- Ruby Khan -

Qadam qadam par badal rahay hain musaafiron ki talab kay raastay
hawaao'n jaisi mohabbatien hain , sadaao'n jaisi rafaaqatien hain.

Kisi ka maqrooz main nahin par meray giraybaan par haath sab kay
koi meri chahato'n ka dushman , kisi ko darkaar chahtien hain.
...
Meri mohabbat kay raaz daan nay yeh keh kar lauta diya mera khat
kay bheegi bheegi si aansuo'n main gunjalak sab ibaaratien hain.

main doosron ki khaatir ghubaar bann kar bikhar gaya hoon
magar kisi nay yeh haq na maana kay meri bhi kuch zarooratien hain.

Teri khudaai kay kitnay sooraj ufaq par doobay magar abhi tuk
khalish hai seenay main pehlay din si, lahoo main waisi hi wehshatien hain.